Itali – Zjarr në Universitetin e Tuscias, studentët evakuohen

Një zjarr i fuqishëm shpërtheu sot pas orës 10:00 në Fakultetin e Bujqësisë të Universitetit të Tuscia në Viterbo.

Autoritetet kanë nisur hetimet për të zbuluar shkaqet e këtij incidenti.

Sipas raportimeve, studentët, mësuesit dhe stafi u evakuuan nga zyrat dhe klasat në kampusin Riello.

Zjarrfikësit dhe njësia e specializuar e ushtrisë ishin në vendngjarje.

Një re e dendur tymi ishte e dukshme nga shumë zona të qytetit. Flakët u përhapën nga çatia ku po zhvilloheshin punimet.

Zjarri arriti të përfshinte edhe laboratorët e kimisë dhe gjenetikës ku ruheshin substanca shumë të ndezshme, duke përfshirë 500 litra cilindra protoni etanoli dhe azoti.

Për këtë arsye, u krijua një kordon evakuimi me një rreze prej 500 metrash nga ndërtesa që digjej.

Zjarri ka vazhduar të përhapet edhe në një ndërtesë tjetër në bllokun C të kampusit Riello.