Kryetarja e Kuvendit, Elisa Spiropali, ka përjashtuar nga seanca plenare deputetin demokrat Flamur Noka, pas një përplasjeje verbale gjatë diskutimeve në sallë.
Noka akuzoi shumicën qeverisëse për korrupsion dhe abuzime me pronat dhe koncesionet, duke përmendur me emra dhe praktika që sipas tij “vjedhin Shqipërinë”.
Kryetarja e Kuvendit ndërhyri duke i kërkuar Nokës të ndalonte, me arsyetimin se nuk po fliste për procedurë, siç kishte kërkuar fjala fillimisht. Pas disa paralajmërimeve për disiplinë dhe ndërprerje të vazhdueshme, Spiropali vendosi përjashtimin e tij nga seanca.
Noka: Kur jo vidhni thoni i shërbeni Shqipërisë, ta fshehim. Kur ju merrni koncesioni thoni i shërbejmë Shqipërisë, kur Pëllumb Gjoka merr dhjetëra hektarë, Sueli atje kazinotë, apo drogën Troplinët, ju thoni i shërben Shqipërisë…
Spiropali: Nuk është për procedurë, ta dhashë fjalën tre herë dhe nuk e përdore për procedurë. Kur të marrësh fjalën këtu do flasësh sërish. Të përshëndes. Të lutem..ka mundësi. Je i përjashtuar nga seanca. E dëgjon gjuhën e atij ti…Zoti Noka largohuni nga foltorja.
Po ju respektoj në maksimum për cdo procedurë, nuk duroj dot as fyerje, as zaptim të foltores. Largohu se je i përjashtuar.
Discussion about this post