Nga Basir Çollaku
Duket se ftohja e Ramës ne Belën po sjell së shpejti kurbanin e radhës. Shfaqja e parë demonstruese ishte në fushatë kur i gjati e shtyu tutje me brryl duke bërë gjest të dhunshëm e bezdisës për praninë e afërt të saj. Mesazhi i fundit ndodhi në Cërrik. KM shoqërohej nga ministret Balluku dhe Denaj. Në publikimet e qeverisë.dhe fotot e shpërndara nga zyra e komunikimit pas aktivitetit për bujqësinë, mungonte Balluku. Dërgesat shfaqnin vetëm Ramën dhe Denajn dhe kur kishte material video mungonte zëri zëvëndëses. Kjo nuk është thjesht gabim njerëzor i një soecialisti zyre, më tepër se sa një vijë sjellje editoriale e ardhur nga lart.
Duket se zvkryeministrja është detyruar ta nxitojë e të shfaqë veten në faqen e saj në fb për të arnuar çarjen. Por edhe këtu kemi shenja të një divorci me letra të dorëzuara në hyqymet. Në publikimet në rrjete sociale Balluku dhe Denaj kanë një element tjetër diferencues dhe tregues se kazani po vlon.
Balluku shkruan në fb:
“..Tryezë dialogu me fermerë e sipërmarrës, për të dëgjuar shqetësimet dhe ndarë mendime mbi sektorin bujqësor, si një zë i rëndësishëm për ekonominë e vendit. Bashkëpunim mes të gjithë aktorëve për t’i dhënë një ritëm edhe më të shpejtë zhvillimit të sektorit…” Shihet se në postim nuk e gjejmë askund përmendjen e emrit të shefit në krye të takimit.
Denaj është treguar institucionale
Në faqen e saj në fb ndër të tjera pas të njëjtit takim në Cërrik, ajo shkruan:
“….Në tryezën e diskutimit me Kryeministrin Edi Rama, kolegë ministra, kryebashkiakë dhe 160 përfaqësues të biznesit nga e gjithë Shqipëria, fermerë, blegtorë, agropërpunues, sipërmarrës të agroturizmit, përfaqësues nga sektori peshkimit, që investojnë çdo ditë në tokë, prodhim dhe jetë…”
Nuk kemi ardhur ende në vargun “Veliaj” të Ramës në Kashar, bëhu gati të lyesh gardhin, por shumë ngjarje të tjera janë sosur.
Mëkatet “Bela” ku do të shesë zëvëndesen Rama.
Ka nisur bërja gati e Belës për vënie në dispozicion Prokurorëve. Inceneratori është një paradhomë, por shumë të tjera janë më thellë. Tuneli i Llogarasë 50 milionë euro krasitje, kryeson si dosja e sekuestruar nga Struktura, ku ka shumë për të gërmuar në xhepat e firmës “Bela” Drejtori i rrugëve, Berberi i arrestuar dhe në gjykim është një kapitull tjetër voluminoz.
Apo telefoni zbërthyer një tjetër sekretareje në ministri. Listohen Thumanë-Kashar, Rruga e Arbërit, investimet strategjike, licencat për Hec-et dhe panelet voltaike. Aeroporti i Vlorës një histori e rëndë ku hetimi mund të nxjerrë një Llogara tjetër,, anijet e energjisë në Vlorë me qokat Kim. Natyrisht rasti “Bankers” në zonën elektorale të Belës, ka kusure të tjera që mund të flasin në muajt e ardhshëm ku Zeqinrja është komedi sheqeri.
Alarmi është skuqur, kur Myzyraj Jonaid, shefi prokurimeve njohur edhe ky si veprues i thekur nën hijen e Belës, u mor i pandehur. Aty ka xhevahire të reja. Një shumë, do të jetë Bela-dosja e madhe e shtatorit, ku me gjasa të shtuara Balluku do mbetet së paku jashtë qeverie. Ajo nuk do ketë minutazh lumturie për duart e shtyra në çështjet “Ahmetaj” e “Veliaj”. Nuk po harrojmë vettingun ku motra Pamelë, mund të ketë kryer porosi familjare dhe jo vetëm.
Mediet nuhatëse të viktimave të Ramës kanë nisur të mbajnë dietë ndaj “Ballukut” Shkëlqimi dhe rënia e saj kanë dhe efekte anësore. Ndonëse shumë ministra pasi janë marrë të pandehur e arrestuar, kanë kanosur shefin se do flasin. . Por vetëm njëri e ka bërë. Të tjerët janë pajtuar me fatin e shkruar nga shefi i qeverisë ku ishin. Duket se Rama do e hedhë Ballukun si mish antikorrupsioni të mandatit të katërt..Trazirat në PS nuk do fiken. Do nisin djegiet. Fundja historia ka mekanizma të përsërisë vetveten nën moton.. Partia time…
Discussion about this post