Një trup i pajetë është gjetur mëngjesin e sotëm, rreth orës 06:40, në lagjen nr. 13 të Durrësit, pranë vijës bregdetare.
Viktima është një shtetas rreth 70 vjeç, ende i paidentifikuar dhe sipas Policisë dyshohet se është mbytur në det.
Nga këqyrja paraprake, nuk janë konstatuar shenja dhune, ndërkohë që grupi hetimor po vijon punën për identifikimin e viktimës dhe zbardhjen e plotë të rrethanave të ngjarjes.
“Rreth orës 06:40, në lagjen nr. 13, Durrës, në afërsi të bregut të detit, është konstatuar trupi i pajetë i një shtetasi të seksit mashkull, rreth 70 vjeç, dyshohet i mbytur në det.
Nga këqyrja paraprake nuk janë konstatuar shenja dhune.”- njofton policia.
Discussion about this post