Superiorja ka mbyllur javën e pestë, me dy finalistët e vitit të shkuar që morën tre pikë.
Kampionët në fuqi të Egnatias duket se kanë gjetur “marshin” e fitoreve, duke mundur Flamurtarin në transfertë 1-2. Në fundin e pjesës së parë, Albanese kaloi në avantazh të besuarit e Tetovës, por në të 84’ Todoroski barazoi shifrat. Kur gjithçka mendohej se po shkonte drejt fundit, ishte Leo Melo në minutën e 89’ që shënoi dhe siguroi tre pikë për rrogozhinasit.
Në takimin tjetër të mbrëmjes, Vllaznia mori një fitore të rëndësishme përballë Vorës në “Loro Boriçi” me rezultatin 2-0. Balaj me penallti në pjesën e parë dhe Murataj në të dytën i dhanë triumfin shkodranëve përpara tifozerisë së tyre kundër një kundërshtari që ka qenë surprizë deri në këto momente të kampionatit.
Vllaznia dhe Egnatia e mbyllin kështu javën e pestë në vendet 2 dhe 3, ndërsa Vora zbret në vendin e pestë. Flamurtari nga ana tjetër vijon të ndodhet në krizë rezultatesh, me kuqezinjtë që ndodhen në vendin e parafundit me vetëm 2 pikë.
REZULTATET:
FLAMURTARI 1-2 EGNATIA Todoroski 84’ / Albanese 45+1’ (P), Leo Melo 89’
45+1′ GOOOL! Egnatia kalon në avantazh. Albanese shënon lehtësisht nga penalltia. Vendësit protestojnë për vendimin e kryesorit Jorgji. (VIDEO) + ((VIDEO)
83′ GOOOL FLAMURTARI 1-1/ Shpërthen festa në kampin vlonjat. Todoroski gjen golin e barazimit. Aksion mjaft i bukur i kuqezinjve, që finalizohet me sukses nga mbrojtësi i djathtë. (VIDEO)
88′ GOOOOL EGNATIA 1-2/ Rrogozhinasit rikthehen sërish në avantazh me Leo Melon, që përfiton nga një përgjumje në mbrojtjen e Flamurtarit. (VIDEO)
VLLAZNIA 2-0 VORA Balaj 28’ (P), Murataj 56’
28’ GOOOL VLLAZNIA! Shënon Balaj me penallti. (VIDEO)
56’ GOOOL VLLAZNIA! Zbritje e shpejtë nga e djathta e Kastratit, harkimi i tij në shtyllën e dytë gjen Muratajn i cili me një gjuajtje perfekte me kokë dyfishon shifrat. (VIDEO)
gijiotina.com/
Discussion about this post