Ledri Vula dhe partnerja e tij, Sara Hoxha kanë rrëmbyer vëmendjen e mediave rozë me historinë e tyre të dashurisë. Sara nëpërmjet daljeve të saj në media dhe ekspozimit në rrjete sociale ka fituar dhe zemrat e publikut. Por mesa duket partnerja e Ledrit ka një marrëdhënie të mire dhe me prindërit e reperit dhe këtë e ka treguar në një intervistë për “Prive”, Xheraldina, mamaja e tij.
E pyetur për takimin e parë me Sarën, Xheraldina është shprehur se ishte një takim i papritur dhe se ajo e ka kuptuar që në ato momente se Ledri e kishte seriozisht.
“Sarën e kam takuar në Ulqin. Ne kishim shkuar atje për takim biznesi. Ledri nuk më tregoi praktikisht se do të vinte me Sarën. Në lokal hyri një vajzë dhe unë po mendoja ‘ua sa vajzë e bukur’, por nuk e dija që ishte Ledri mbrapa. Pastaj kur shoh Ledrin mbrapa më tha ‘Nënë kjo është Sara’. Ne kishim takim biznesi dhe kur e pruri aty mendova kjo është diçka më serioze.
Sara më pëlqen shumë se është e hapur dhe e ngrohtë me njerëzit, është e afërt. Ledri është pak i mbyllur, të thotë vetëm ‘mirëdita çfarë bën’ rri 10 minuta me ty dhe ngjitet në dhomën e tij. Ndërsa Sara rri aty. Ka qejf të bëj muhabet, ka qejf të hamë diçka bashkë, të shohim diçka bashkë. Ka një ngrohtësi, që ti do s’do të bën ta duash, pikërisht për shkak të ngrohtësisë. Ajo kur zgjohet në mëngjes më thërret ‘Pashule’ më lë vazjën në dorë dhe ikën. Ajo ka aq ngrohtësi dhe aq besim tek unë, që unë kujdesem për vajzën e saj. Për mua është një nuse yll”, tregoi Xheraldina.
