Organizatorët e protestës në Dublin thanë se marshimi i sotëm shënoi “dy vjet gjenocid në Gaza” – ndërkohë që i bënë thirrje qeverisë irlandeze të sanksiononte Izraelin.
Kjo është demonstrata e 17-të kundër luftës së Izraelit në Gaza – e organizuar nga Fushata e Solidaritetit Irlandë-Palestinë (IPSC), ku kanë marrë pjesë dhjetëra mijëra njerëz në rrugët e kryeqytetit irlandez gjatë dy viteve të fundit.
Marshimi i sotëm u zhvillua në Sheshin Parnell dhe përfundoi në Leinster House, selinë e Parlamentit irlandez, për një seri fjalimesh.
Pjesëmarrësit, përfshirë grupe politike të krahut të majtë dhe sindikata, mbanin banderola dhe valëvitnin flamuj palestinezë.
Protesta erdhi pasi 16 qytetarë irlandezë ishin midis qindra të arrestuarve nga Izraeli – pasi forcat izraelite ndaluan Flotiljen “Global Sumud”, e cila po transportonte ndihma për në Gaza.
Duke folur përpara protestës, kryetarja e IPSC, Zoe Lawlor, tha se kishte pasur një bllokadë të ashpër ushqimore dhe ndihme për muaj të tërë në Gaza, ndërsa zyrtarët lokalë të shëndetësisë raportuan 66 000 vdekje në enklavë.
IPSC i ka i bërë thirrje gjithashtu qeverisë irlandeze të miratojë një Projektligj për Territoret e Pushtuara, i cili do të ndalonte si tregtinë ashtu edhe shërbimet me vendbanimet e paligjshme izraelite.
Discussion about this post