Aksidenti i rëndë në Elbasan, motori përplas çiklistin, i riu dërgohet në spital

Një tjetër aksident i rëndë është shënuar mbrëmjen e sotme në Elbasan. Burime zyrtare bëjnë me dije se ngjarja ka ndodhur rreth orës 19: 20, në lagjen Emin Matraxhiu.

Të njejtat burime bëjnë me dije se një motor me shoferin e identifikuar me iniciale I. E., 32 vjeçe, ka aksidentuar çiklistin e identifikuar me iniciale K. S., 33 vjeç.

Për pasojë është dëmtuar i riu K. S., i cili ndodhet jashtë rrezikut për jetën.

Paraprakisht dyshohet se shkak i këtij aksidenti është bërë shpejtësia përtej normave të lëjuara, ndërsa policia nuk ka qenë në patrullim.

Grupi hetimor ndodhet në vendngjarje dhe po punon për sqarimin e rrethanave të ngjarjes.