Anëtari i Këshillit të Lartë të Prokurorisë (KLP), Vatë Staka, ka tërhequr vëmendjen për problematikën e dosjeve të stokuara dhe mungesat në sistemin e prokurorisë, gjatë raportimit vjetor të KLP në Kuvend.
“Lidhur me numrin e prokurorëve. Pavarësisht se është Prokurori i Përgjithshëm që i drejtohet Kuvendit, KLP ka një bashkëpunim të ngushtë me Prokurorinë e Përgjithshme, është kompetencë e Kuvendit. Në reformën e re, 22 prokurorë, nuk e ushtrojnë ndjekjen detyrën për ndjekjen penale se janë në pozicione të tjera. 60 janë në Këshillin e Lartë të Prokurorisë. Tre jemi këtu, dhe tre janë në zyrë, dhe 5 prokurorë janë këshilltarë në KLP, bëjnë 11. Ka disa prokurorë pranë ILD, prokurorisë së Përgjithshme dhe Ministrisë së Drejtësisë. Këta janë llogaritur si prokuror, por në fakt nuk e ushtrojnë detyrën në organet e drejtësisë. Një nga kërkesat tona është që duhet të rritet numri i prokurorëve nga Kuvendi i Shqipërisë dhe ne nuk kemi gjë në dorë”, tha Staka.
“Një nga kërkesat tona është që Kuvendi i Shqipërisë të rrisë numrin e prokurorëve. Aktualisht kemi mungesa që ndikojnë drejtpërdrejt në kohën e shqyrtimit të çështjeve,” tha Staka.
Ndërkohë, kryetarja e KLP-së, Mirela Bogdani, tha se kanë kërkuar në mënyrë informale nga Bashkimi Evropian një studim mbi nevojat reale për numrin e prokurorëve në Shqipëri, bazuar në popullsinë dhe ngarkesën e punës. “Po presim për një ekspertizë që do të na ndihmojë ta adresojmë këtë çështje njëherë e mirë,” tha Bogdani.
Discussion about this post