Ish-kryetari i Partisë Demokratike, Lulzim Basha, është paraqitur sot pasdite në ambientet e Prokurorisë së Posaçme kundër Korrupsionit dhe Krimit të Organizuar (SPAK).
Burime nga prokuroria konfirmojnë se Basha është thirrur për t’u pyetur, por ende nuk janë bërë të ditura arsyet e sakta të thirrjes së tij. Ende nuk ka një njoftim zyrtar nga SPAK lidhur me dosjen apo çështjen për të cilën po merret në pyetje ish-kreu demokrat.
Basha hyri në godinën e SPAK rreth orës 16:00 të pasdites dhe nuk ka dhënë asnjë deklaratë për mediat që ndodheshin në vendngjarje. Gazetarët raportojnë se ai është shoqëruar nga avokati i tij, ndërsa pritet që orët në vijim të hedhin më shumë dritë mbi këtë zhvillim.
Discussion about this post