Novak Djokovic është larguar përfundimisht nga Australia pas vendimit të gjykatës që i kanë refuzuar vizën dhe në këtë mënyrë tenisti serb humbet edhe mundësinë për të mbrojtur titullin në turneun “Autralian Open”.
Mos vaksinimi i tij për Covid-19 është arsyeja kryesore e gjithë situatës së krijuar rreth tij. Përveç kësaj ka shumë pikëpyetje rreth të ardhmes së tij në disa turne kryesorë, nëse tenisti serb nuk pranon të vaksinohet.
34-vjeëari e ka bërë synimin e tij të karrierës për të fituar të gjithë titujt e Grand Slam në një sezon të vetëm pasi humbi finalen e fundit të US Open ndaj Daniil Medvedev, por kjo ambicie është nën kërcënim pas ngjarjeve të fundit në Australi.
Ndërsa Djokovic është i pavaksinuar kundër COVID-19, i vetmi turne Grand Slam në të cilin do të mund të luajë është Roland Garros, pasi protokollet e garave lejojnë lojtarët e pavaksinuar të marrin pjesë.
Turnetë që Djokovic pritet të mungojë janë disa dhe pritet ditët në vijim për të parë edhe lëvizjen dhe vendimet e tenistit të njohur mbi vaksinimin e tij.
Si në Mbretërinë e Bashkuar ashtu edhe në Shtetet e Bashkuara është e detyrueshme që të vaksinohet plotësisht për të hyrë në vend, që do të thotë se Djokovic do të humbasë si Wimbledon ashtu edhe US Open.
Shtetet e Bashkuara organizojnë gjithashtu tre nga nëntë ngjarjet Masters 1000 në kalendarin e tenisit: Indian Wells, Miami dhe Cincinnati.
Ka vendime të mëdha për t’u marrë në kampin e numrit një të botës në muajt e ardhshëm nëse ai do të përmbushë ambiciet e tij të mbetura përpara se të pensionohet.
Discussion about this post