Presidenti ukrainas, në një postim në X, parapriu përmbajtjen e disa pikave të diskutuara gjatë këtyre orëve në samitin e Gjenevës:
«Nga anëtarët e delegacionit tonë në Gjenevë kanë mbërritur tashmë përmbledhje të shkurtra mbi rezultatet e takimeve dhe bisedimeve të para. Aktualisht, ekziston mirëkuptimi se propozimet amerikane mund të përfshijnë një sërë elementesh të bazuara në pozicionet ukrainase dhe që janë thelbësore për interesat kombëtare të Ukrainës» shkruan Zelensky në X.
Delegacioni ukrainas që ndodhet në Zvicër për të diskutuar planin e presidentit Donald Trump për t’i dhënë fund luftës me Rusinë ka zhvilluar në mëngjes një takim të parë me përfaqësues të Francës, Gjermanisë dhe Mbretërisë së Bashkuar. Këtë e ka bërë të ditur në Telegram Andri Yermak, kreu i delegacionit, duke shtuar se “mbledhja e radhës do të zhvillohet me delegacionin amerikan”.
Por Presidenti amerikan Donald Trump shpërndau në rrjetin social Truth një status, ku shkruan akuza edhe ndaj Kievit zyrtar edhe ndaj Evropës. Lidershipi ukrainas ka shprehur zero mirënjohje për ndihmën amerikane thotë Trump, ndërsa Evropa siç shkruan, vijon të blejë naftë ruse.
gijotina.com/
Discussion about this post