VIDEO/ Vllaznia dhe Partizani ndahen me 1 pikë , barazim edhe në duelin e mbijetesës Flamurtari-Tirana

Flamurtari dhe Tirana kanë barazuar 1-1 në duelin e mbijetesës në javën e 12-të të Kategorisë Superiore.

Sfida e luajtur në Vlorë ishte e luftuar, me takimin që u zhbllokua në minutën e 39’ të takimit, kur Maksuti kaloi në avantazh vendasit.

Bardheblutë reaguan 15 minuta para fundit të tyakimit, kur Eliton Junior barazoi sfidën në minutën e 75’.

Pas këtij barazim, Flamurtari renditet në vendin e parafundit me 9 pikë, ndërsa Tirana nuk largohet nga fundi me 7 pikë.

REZULTATI:

FLAMURTARI 1-1 TIRANA

Maksuti 39’/ Eliton Jr. 75’

Barazim 1-1 edhe në sfidën mes Partizanit dhe Vllaznisë, takim ky i luajtur në “Air Albania”. Të kuqtë zhbllokuan shifrat me Tomën, ndërsa Mala i dhuroi një pikë shkodranëve. Vllaznia kryeson kampionatin, sakaq Partizani është në vendin e shtatë.

Përsa i përket sfidave të ditës së djeshme, Egnatia mori fitore me peshë ndaj Bylisit (5-1) dhe përfitoi nga barazimi i Elbasanit dhe Dinamos.

Në takimin tjetër ishte Teuta që fitoi ndaj Vorës dhe mbetet 1 pikë larg dinamovitëve.

Keshtu, Vllaznia nuk arrin të shkëputet nga Elbasani, vetëm një ndryshim në katërshen e fundit të tabelës.

gijotina.com/