Kryetari i PD-së Lulzim Basha tha ditën e sotme ishte në Kurbin se askush nuk mund t’i rrëzojë dhe sipas tij, demokratët do të ngrihen edhe më të fortë. Sa i përket kësaj të fundit Basha tha se, ndodhen në një situatë që askush se kishte dëshiruar.
“Por demokratët i diferencon diçka, aftësia për të menduar me kokën e tyre dhe jo me kokën e idhullit të rremë, për të folur të vërtetën ashtu sikur është, arsyeja për të marrë vendimet dhe kjo u jep fuqinë demokratëve; nuk na rrëzojnë dot, do të ngrihemi edhe më të fortë. Ata që duan ta përçajnë PD-në e bëjnë për hesap të Edi Ramës, atyre u themi ndal ose jashtë. Një grusht njerëzish janë këta, që i kanë bërë llogaritë gjithmonë për xhepat e tyre”, tha ai.
Sipas tij dy janë mundësitë për të përmbysur tiraninë e krijuar brenda tyre, e para të qëndrojnë të bashkuar dhe e dyta të mos ta humbasin busullën tonë, të PD-së, partisë perëndimore, pro amerikane dhe evropiane.
Discussion about this post