Tragjike/ Konsumoi fotoksinë në banesë, ndërron jetë në spital 34-vjeçarja nga Fushë-Kruja

Një ngjarje e rëndë raportohet të ketë ndodhur në Fushë Krujë.  Një 34-vjeçare ka humbur jetën pasi ka konsumuar fotoksinë në banesën e saj.

Sipas Policisë, e reja është dërguar në spital por nuk ka mundur të mbijetojë.

“Është dërguar në spital, një shtetase 34 vjeçe, e cila dyshohet se ka konsumuar Fotoksinë në banesë, në Fushë Krujë. Pavarësisht ndihmës mjekësore, 34-vjeçarja ka humbur jetën”,- thuhet në njoftimin e Policisë.

Shkaqet dhe rrethanat e rastit nuk dihen ende, sakaq materialet procedurale iu referuan Prokurorisë së Tiranës, për veprime të mëtejshme.