Gjatë vizitës në Maqedoninë e Veriut, presidenti Bajram Begaj zhvilloi një konferencë të përbashkët për shtyp me presidenten Gordana Siljanovska-Davkova.
Gjatë konferencës, kufjet që mbante për të dëgjuar përkthimin e pyetjeve të gazetarëve maqedonas, Begaj i vendosi edhe gjatë pyetjeve që u bënë në gjuhën shqipe.
Kreu i shtetit deklaroi se zbatimi i ligjit për gjuhët është thelbësor pasi shqiptarët janë faktor shtetformues.
“Si presidenti i Shqipërisë, duhet të flisja për rolin dhe kontributin e shqiptarëve në Maqedoninë e Veriut. Shqiptarët këtu janë shtetformues dhe kontribues, konstruktiv. Shqiptarët mbeten faktor kyç për stabilitetin politik. Shqiptarët në Maqedoninë e Veriut dhe maqedonasit në Shqipëri mbeten urë bashkëpunimi mes dy vendeve tona. Shqipëria e konsideron historike marrëveshjen kornizë të Ohrit. Ne besojmë se përfaqësimi i drejtë dhe dinjitoz i shqiptarëve në institucionet shtetërore, zbatimi i ligjit të gjuhës shqipe dhe ruajtja e mekanzimit të barazisë, janë elementë kryesorë për stabilitetin dhe perspektivën europiane. Koha na ka mësuar se çdo vendimmarrje e balancuar dhe gjithëpërfshirëse, është zgjidhja më e mirë për qytetarët. Folëm me presidenten, për integrimin europian, i cili nuk është vetëm objektiv kombëtar i Shqipërisë dhe Maqedonisë së Verut, por objektiv i përbashkët. Objektivi ynë është të mbyllim kapitujt në 2027 dhe të jemi në BE brenda 2030. Vlerësuam edhe bashkëpunimin e dy vendeve tona në fushën e sgiurisë dhe mbrojtjes. Ky bashkëpunim i shërben paqes dhe stabilitetit në rajon. Shqipëria dhe Maqedonia e Veriut përballen me sfida të përbashkëta sigurie”, tha Begaj.
gijotina.com/
Discussion about this post