‘Një përgjigje për deputetin e linjës 0900’, Noka i kthehet Ballës: Do ju çmontojmë një e nga një

Pak pasi ka përfunduar votimi i rezolutës për shpalljen e Iranit shtet terrorist vetëm me kartonët e mazhorancës socialiste, deputeti demokrat Flamur Noka i është përgjigjur kreut të grupit të PS, Taulant Balla, i cili shprehu keqardhjen për bojkotin e PD-së ndaj seancës në Parlament.

Sekretari i Përgjithshëm i Partisë Demokratike, tha se nuk ka mbajtur kurrë një seancë të tillë për miratimin e procesverbaleve dhe se mazhoranca nuk do mundet kurrë që “ta përdorë PD për fasadë apo që ta marrë peng”.

Në reagimin e tij në rrjetin social Facebook, ligjvënësi demokrat e cilëson si “një përgjigje për deputetin e linjës 0900”, duke ironizuar dhe akuzuar Ballën si për deklaratën fyese që bëri në Kuvend një seancë më parë ndaj deputetes Albana Vokshi, por edhe për lidhjet me krimin, drogën dhe korrupsionin.

Postimi i plotë:

Një përgjigje për deputetin e linjës 0900

PD nuk i shërben si fasadë narkoregjimit.

Partinë Demokratike po ju çmonton një e nga një derisa t’ju rrëzojë të gjithëve. Ju jeni ilegjitim.

Shqiptarët, të çdo krahu qofshin, ju kanë parë e ju kanë kuptuar se ç’mall jeni, një organizatë kriminale që vidhni popullin më të varfër në Europë. Ju jeni errësira, sepse përfaqësoni korrupsionin dhe kartelelet e drogës. Ju kurrë s’mund t’i ofroni dritë dhe perspektivë këtij vendi.

Prej jush u ndërpre rruga europiane e Shqipërisë.

Për shkakun tuaj, sot jemi delja e zezë e Europës. Ju krijuat precedentin e parë antishtet, duke iu bërë barrikadë njerëzore drejtësisë.

Ti personalisht i linjës 0900, je një ndër subjektet që të del emri kudo. Te droga, te vrasjet, te korrupsioni, kudo lexohet emri yt.

Shefit tënd Narkosit, po se po.

Opozita ka një objektiv: T’ju rrëzojë juve që të rihapë rrugën e integrimit europian të vendit.

Thirrje në seancë plenare, me rend dite miratimin e procesverbaleve ka 35 vjet ky kuvend që s’ka patur. Përjashtim bën dita e parë e legjislaturës.

Niko Peleshin e keni kapur peng me 60 megat e paneleve në Kolonjë, por opozitën kurrë s’e keni shansin ta kapni peng e ta përdorni për fasadë.

Ne kemi një objektiv: Sektin tuaj të ndyrë të Rilindjes, ta qërrojmë nga drejtimi i shtetit dhe për këtë do luftojmë. Siç iku Proda, Belinda dhe Ergys Agasi, ashtu do ikësh edhe ti, do iki Rama e ca të tjerë aty. Shqipëria do çlirohet nga sekti juaj. Asgjë dhe asnjë s’e ndal dot fundin tuaj.