Dhoma e Avokatisë Lushnjë ngre si problem transferimin e Gjykatës penale e civile nga Lushnja drejt Fierit me hartën e re gjyqësore. Të mbështetur dhe nga shoqëria civile, kanë inicuar një lëvizje kundër delegimit të kompetencave të Gjykatës së Lushnjës.
Kryetari i Dhomës së Avokatisë Lushnjë, Kozma Jano u shpreh se përkrah këtë nismë të avokatëve, teksa shton se Lushnjë do kthehet në një “fshat të madh’” Ai shton se me mbylljen e Gjykatës Civile rreth 40 mijë qytetarët do të duhet të shkojnë në Fier për çdo çështje gjyqësore
“Harta e re gjyqësore nuk prej vetëm interesat e avokatëve, por edhe të qytetarëve sepse i heq Lushnjës Gjykatën Civile e çon atë në Fier dhe shton varfërinë e popullit të Lushnjës. Për çdo çështje duhet të shkojnë në Fier, ne e kemi përllogaritur janë rreth 40 mijë qytetarë që do të zhvendosen në Fier, do të varfërohen bizneset, etc. Bashkë me Gjykatën do të ikin zyra e Përmbarimit, Shërbimi i Provës nuk do të quhet më komisariat por postë policie. Një qytet i tillë, që nga për numri i popullsisë është më i madh dhe Kukësi e Lezha po zhvlerësohet. Pra Lushnja do të kthehet në një fshat të madh! Për interesat e qytetarëve nuk duhet do të ngrihen vetëm avokatët por edhe grupet e tjera të interesit. Ne do të përshkallëzojmë protestën tonë”, tha Jano.
Me hartën e re Gjyqësore, Gjykata e Lushnjës do të pushojë se ekzistuari dhe do të kthehet në Gjykatë Administrative, ndërsa Dhoma e Avokatisë Lushnjë lajmërojnë për protestë të shtunën, në orën 10:00.
Discussion about this post