Gola, spektakël dhe emocione në ndeshjen e parë gjysmëfinale të Champions. PSG triumfon 5-4 ndaj Bayern, në përballjen e luajtur në Paris.Takimi nisi me ritëm të frikshëm, me skuadrat që u hodhën menjëherë në sulm. Bavarezët kaluan në avantazh me Kane, falë një penalltie.Nuk mungoi përgjigja e vendasve, teksa Kvara me të djathtën e tij, çoi topin në cepin e portës.
Gjermanët nuk u dorëzuan dhe ngushtuan shifrat me Upamecano dhe Diaz, me golin e këtij të fundit që u konsiderua i rregullt vetëm pas kontrollit në sistemin VAR. Vëmendja tashmë është e fokusuar te ndeshja e kthimit në Mynih, aty ku do vendoset skuadra e kualifikuar për në finale.
PSG-BAJERN MYNIH 5-4
24′, 56′ Kvaratskhelia, 35′ Zhoao Nevesh, 45’+5′ (p), 58′ Dembele / 17′ (p) Kejn, 41′ Olize, 65′ Upamekano, 68′ Luis Diaz
68’ GOOOL BAJERN MYNIH! Luis Diaz merr një pasim të gjatë në zonë, e ndal mirë topin dhe gjuan duke shënuar në portën e parisienëve. Ka dyshime për pozicion jashtë loje por VAR në fund dekreton se është gol i rregullt. (VIDEO)
65’ GOOOL BAJERN MYNIH! Pas një goditje dënimi të Kimish, Upamekano devijon lehtë me kokë dhe çon sferën në rrjetë. (VIDEO)
58’ GOOOL PSG! Tjetër zbritje e rrufeshme e parisienëve me Doue i cili gjen Dembele. Sulmuesi kalon topin mes këmbëve të Upamekano me gjuajtjen e tij dhe mposht Nojer. (VIDEO)
56’ GOOOL PSG! Hakimi del i vetëm në sulm në të djathtën, pason në qendër ku nuk devijon askush por sfera shkon te Kvaratskhelia i cili nuk gabon i vetëm para portës. (VIDEO)
45’+5’ GOOOL PSG! Shënon Dembele me penallti. (VIDEO)
41’ GOOOL BAJERN MYNIH! Olize është spektakolar me një depërtim në qendër dhe një gjuajtje që nuk i lë kohë portierit Safonov të reagojë. (VIDEO
35’ GOOOL PSG! Përmbyset rezultati në Paris pas një goditje këndi që devijohet me kokë saktësisht nga Zhoao Neves. (VIDEO)
24’ GOOOL PSG! Aksion dehës i Kvaratskhelia në krahun e majtë, shmang mbrojtësin dhe gjuan në shtyllën e largët duke mposhtur Nojer. (VIDEO)
17’ GOOOL BAJERN MYNIH! Shënon Kejn me penallti. (VIDEO)
gijotina.com/
Discussion about this post