Kryefjala e medieve për këto ditë ka qenë, “beteja” Veliaj-Duka. Kreu i FSHF-së Armand Duka ka akuzuar Veliajn për ndërhyrje politike në zgjedhjet e FSHF-së, duke bërë që në dy organizmat më të mëdha ndërkombëtar të futbollit të ketë lëvizje.
Megjithatë kjo situatë, ka “detyruar” që në vendin tonë të vijnë një grup delegacioni nga UEFA që do të kryesohet nga vetë kreu i saj Aleksandër Ceferin, ditën e hënë. Presidenti i UEFA-së do të takohet me kryeministrin Edi Rama, ku siç bëhet me dije pritet të flasin mbi ndikimin e politikës në futboll dhe njëkohësisht të jepet paralajmërimi i fundit për finalen e Conference League, që rrezikohet të largohet nga “Air Albania”.
Bashkia e Tiranës, në cilësinë e aksionerit të Klubit të Futbollit, ka kërkuar hetim kombëtar dhe ndërkombëtar për shkeljet dhe korrupsionin 20 vjeçar të Armand Dukës në Federatën Shqiptare të Futbollit, duke përgatitur një dosje voluminoze për t’ia prezantuar FBI, DEA, NCA, Scotland Yard, SPAK, Prokurorisë së Tiranës, Krimit Ekonomik, Agjencisë së Pastrimit të Parave, AMA, Hetimit Tatimor, AKU, si dhe ambasadave Amerikane e Britanike në Tiranë.
“Beteja” Veliaj-Duka vijon prej ditësh, ku kryetari i bashkisë Tiranë i kërkoi transparencë për zhdukjen e 2.1 milionë dollarëve të FIFA-s, ndërsa akuzon presidentin e federatës po përdor futbollin për politikë. Veliaj, në cilësinë e kryebashkikuat është aksioner i Shoqatës së Futbollit Tirana, ku Duka manipuloi zgjedhjet për kreun e shoqatës, ndërsa Veliaj nuk i njohu zgjedhjet. Veliaj ka depozituar ditën e sotme dy kallëzime penale, për sekretarin e përgjithshëm të FSHF dhe sekretarin e përgjithshëm të shoqatës.
Discussion about this post