Kryebashkiaku Erion Veliaj ka degraduar me deklaratat dhe gjuhën vulgare. Së fundmi Veliaj ka diskriminuar konviktorët duke i diferencuar nga qytetarët e zakonshëm të cilët reagojnë për çështjet qytetare.
Ky “turp” i Velajt ka revoltuar organizatat “lëvizja për universitetin” që prej dy ditësh ka mbushur muret e Tiranës me slogane kundër kryebashkiakut, i cili nga turbullimi i ditëve të fundit për shkak të çështjes së inceneratorëve dhe daljes së audiopërgjimit e ka humbur qetësinë dhe e ka prishur fjalorin.
Aktivistët e “Lëvizja për universitetin” kanë mbushin muret e qytetit me parulla, mes të cilave përmendet vdekja e të riut Ardit Gjoklaj dhe korrupsioni i Bashkisë. Aty shkruhet: “Vrasës, Hajdut racist”, “Tiranën nuk e prishën katunarët, por Erion veliaj me oligarkët”, “Punojnë konviktorët me djersë dhe me nder, që Erion veliaj të kthehet në miliarder”.
Gjatë një interviste në emisionin “Të paekspozuarit”, kur u pyet se ç’punë kishte që të merrej me federatën e futbollit, kryebashkiaku u përgjigj: “Ka kauza që nuk kanë pse të jenë të lidhura me interesin personal. E keqja është se kjo nuk mund të quhet një gafë, pasi krahasimin e qytetarit me konviktorin kryebashkiaku e kishte përdorur edhe gjatë një interviste në “Report TV”. Prandaj dallon konviktori nga qytetari. Nëse qyteti për ty është vendi ku fle, ha dhe kryen nevojat personale atëherë ti je një konviktor, ti je thjesht banor, por qytetar bëhesh kur reagon dhe bëhesh aktivist” – tha Veliaj.
Discussion about this post