Sulmuesi i Spanjës, Borja Iglesias është përballur me një situatë të çuditshme dhe disi gazmore. Në momentin që ka tentuar të futet në kampin ku është e grumbulluar kombëtarja spanjolle, ai nuk është lënë nga punonjësit e sigurisë.
Kjo për shkak se askush nuk e njihte dhe madje nuk e besuan se ishte futbollist i Spanjës edhe kur ai ua tha. “Unë jam lojtar i ekipit kombëtares të Spanjës. Duhet të futem brenda”, u ka thënë Iglesias, por fjalët e tij janë injoruar.
Tifozët dhe gazetarët e pranishëm aty, janë munduar që t’u mbushin mendjen punonjësve të sigurimit, që Iglesias është futbollist, por ka qenë e kotë. Është dashur që sulmuesi të telefonojë një anëtar të delegacionit të Spanjës, për t’u bashkuar me pjesën tjetër të ekipit.
Discussion about this post