Në fund, edhe pse në mënyrën më skenike të mundshme sfida mes Algjerisë dhe Austrisë shkoi ashtu siç e prisnin të gjithë, me barazimin 3-3 dhe me përshtypjen se të dyja skuadrat nuk donin të lëndonin njëra-tjetrën dhe të dyja u kualifikuan për në 1/16 e finaleve.
Të gjithë të kënaqur? Aspak. Irani, për shkak të këtij rezultati kthehet në shtëpi dhe mbyll këtë Botëror shumë të vështirë dhe agonik. Apeli i një dite më parë nga skuadra aziatike që foli qartë për ‘biskotën’ në mesazhin e shkruat në tabelën e dhomës së zhveshjes, nuk shërbeu aspak
Ashtu siç mund të parashikohet me lehtësi, në rrjetet sociale shpërtheu zemërimi e ndërthurur me humorin e sarkazmën për një nga rezultatet më të parashikueshme të Botërorit deri tani Dhe në fakt, kaq i parashikueshëm ishte ky rezultat, sa në ditët e kaluara kompanitë e basteve e ulën ndjeshëm koeficientin për barazimin. Ka nga ata që flasin për turp, për pikën më të ulët të Botërorëve, dikush tjetër modifikon grafikën e minutave shtesë duke shkruar: ‘Minutat shtesë: deri sa Irani të eliminohet’.
Por ajo që është akoma më ironike në të gjithë këtë histori është fakti se protagoniste u bënë skuadrat të përfshira në një ‘biskotat’ më të famshme në historinë e botërorëve ose siç njihet ndryshe ‘Skandali i Gijonit’; Në Botërorin e 1982, Gjermania dhe Austria bënë një pakt mes tyre për të regjistuar një rezultat që favorizonte ato dhe linte jashtë Algjerinë dhe ishte fitorja 1-0 e skuadrës gjermane. Ajo histori ishte me të vërtetë e turpshme me komentatorët që braktisën postin e tyre të indinjuar, ndërkohë që edhe publiku u zemërua tejmase.
Në këtë ndeshje të paktën të dyja skuadrat shënuan gola e madje Austria rrezikoi jo pak pasi pa Mahrez që të shënonte në minutën e 93 golin që mund të ishte i ‘hakmarrjes’ për Algjerinë 44 vjet më vonë. Kalajdzic shënoi golin e 3-3 dhe të gjithë ishin të lumtur e të gëzuar, përveç…Iranit.
gijotina.com/
Discussion about this post