Një protestues që mori pjesë në tubimin antiqeveritar në Tiranë ka deklaruar se pas 53 ditësh protestë, sipas tij, qytetarët po vijojnë të triumfojnë përballë pushtetit.
Me një pankartë në duar, ai u shpreh se qeveria ka humbur legjitimitetin dhe se protesta do të vijojë deri në realizimin e kërkesave të tyre.
“53-0, ky është rezultati që kemi kundër pushtetit, prej 53 ditësh po triumfojmë, fitojmë dhe pushteti nuk ka arritur asnjë sukses. Në ndeshjet më të dobëta hiqet dorë, por pushteti ka zgjedhur të humbasë legjitimitetin’, tha ai.
Një qytetare që ka marrë pjesë në protestën antiqeveritare ka deklaruar se tubimi zhvillohet me qëllim largimin e qeverisë dhe kërkoi bashkim të qytetarëve për ndryshime politike në vend.
Ajo kritikoi gjuhën e përdorur ndaj protestuesve dhe akuzoi institucionet për neglizhencë ndaj problemeve të qytetarëve, duke përmendur mungesën e ilaçeve në spitale, gjendjen e rrugëve dhe shpenzimet për aktivitete argëtuese.
“Protestojmë të heqim këtë qeveri nga ai Parlament, Mendojnë se kur e kanë pronë private dhe na referohen me korba, sorra miza, me atë fjalor të pisët. Dhe të mendojmë që ata njerëz kemi në Parlament e turpshme. Por nuk ua falim dinjitetin, humbjen e historisë, kulturës…Paguajmë 4.2 mln për Kanye Wast. Spitalet, pa ilaçe, rrugë të prishura. Sabotim me paralajmërim më ngjan. Ndaj themi heshtja vret. Duhet të bashkohemi, për çfarë duhet t’u lëmë fëmijëve pas” tha ajo.
Një pensionist ka deklaruar ditën e sotme se detyrohet të punojë në të zezë, pasi merr 10 mijë lekë pension. Gjatë një prononcimi për mediat, ai u bëri thirrje naftëtarëve dhe minatorëve të vijnë në protestë.
Sipas tij, nëse deputetët e opozitës kanë një fije burrërie, bashkë më kreun e PD-së, Sali Berisha duhet të ngujohen në Parlament.
“Kam ardhur për t’ju bërë thirrje pensionistëve që janë me 10 mijë lekë të vjetër, metalurgëve, minatorëve të jenë këtu në shesh dhe të mos rrinë në kafe.
Unë që kam punuar në uzinën e Mjeksit ishte një deputet në atë kohë, merrte vetëm orët jashtë orarit, tani marrin subvencionime. Unë atëherë merrjja 9000 lekë, tani duhet të merrja 900 mijë. Për momentin punoj në të zezë, por dhe këto m’i merr Rama.
Ndaj u bëj thirrje naftëtarëve minatorëve të vijnë. Patronazhistët marrin 50,000 lekë edhe policët. Nëse deputetët e opozitës kanë një fije burrërie, përfaqësojnë 500 mijë vetë atje të jenë Saliu bashkë me ata të ngujohen në Parlament”, tha ai.
gijotina.com/
Discussion about this post