Situata para godinës së Kuvendit të Shqipërisë është përshkallëzuar, teksa protestuesit kanë hequr gardhin metalik të vendosur nga forcat e policisë përreth institucionit.
Pas marshimit drejt Kuvendit dhe thirrjeve kundër qeverisë e klasës politike, një grup protestuesish kanë shtyrë dhe larguar barrierat metalike, duke tentuar t’i afrohen hyrjes së godinës.
Protestuesit kanë hedhur vezë dhe domate në drejtim të policisë, ndërkohë që është afruar edhe autoboti i ujit në rast se do të jetë nevoja për të ndërhyrë.
Me pankarta dhe brohoritje kundër qeverisë, protestuesit kanë përsëritur kërkesën e tyre kryesore për dorëheqjen e kryeministrit Edi Rama, dhe kastës së vjetër politike, duke deklaruar se do të vijojnë mobilizimin edhe në ditët në vazhdim.
“Arrestoni Ramën” dhe “Rama, SPAK you” kanë qenë disa nga thirrjet e dëgjuara para godinës së Kuvendit.
Discussion about this post