Një 48-vjeçar është arrestuar nga policia, pasi qëllonte me armë zjarri në ajër. Sipas njoftimit, kanë qenë qytetarët e terrorizuar, ata të cilët kanë njoftuar policinë. Pas mbërritjes në vendngjarje, efektivët kanë arrestuar në flagrancë, Adnand Gaxherri, 48 vjeç, banues në lagjen “Kodra e Priftit”.
Uniformat blu bëjnë me dije se pas marrjes së njoftimit nga banorët se në Kodrën e Priftit, kishte të shtëna me armë zjarri, menjëherë kanë shkuar në drejtim të adresës së dhënë.
Gjatë kontrollit në banesën e 48-vjeçarit, shërbimet e Policisë gjetën dhe sekuestruan në cilësinë e provës materiale 4 pistoleta sportive të llojeve dhe markave të ndryshme që përshtaten edhe si armë zjarri si dhe një shotgun me shënjestër optike, pa lejen përkatëse.
Discussion about this post