Sot mbushen 80 ditë nga nisja e protestës qytetare kundër qeverisë, me protestuesit që dalin çdo ditë në bulevard për të shprehur pakënaqësinë e tyre.
Kërkesa kryesore e protestuesve është dorëheqja e kryeministrit Edi Rama, ndërsa një tjetër kërkesë e artikuluar prej tyre është ndryshimi i klasës politike në vend.
“Revolucioni i Flamingoveve” nisi fillimisht si një lëvizje kundër ndërtimit të një resorti turistik në Zvërnec. Me kalimin e ditëve, protesta mori një dimension më të gjerë dhe kërkesat u shtrinë në çështje politike dhe qeverisëse.
Në protestat e zhvilluara gjatë këtyre 80 ditëve kanë marrë pjesë herë pas here edhe shqiptarë nga diaspora, duke shprehur mbështetjen e tyre për lëvizjen qytetare.
Protesta ka tërhequr gjithashtu vëmendjen e mediave të huaja, ndërsa mbështetje dhe reagime në favor të protestuesve janë shprehur edhe nga organizata dhe parti politike në vende të ndryshme të Bashkimit Evropian.
Pas 80 ditësh, lëvizja vijon të mbajë të njëjtat kërkesa kryesore, ndërsa protestuesit deklarojnë se do të vazhdojnë të dalin në bulevard deri në përmbushjen e tyre.
Discussion about this post