Ronaldinho rikthehet në futboll në moshën 46-vjeçare, surprizon me firmën në Itali

Legjenda braziliane e futbollit, Ronaldinho, ka bërë një rikthim të bujshëm në futbollin aktiv në moshën 46-vjeçare.

Ish-fituesi i Topit të Artë ka nënshkruar kontratë me skuadrën italiane Ravenna, që militon në Serie C.

Ronaldinho ka mbërritur tashmë në Itali, ku do të marrë pjesë në aktivitetet e klubit.

Ish-ylli i Barcelonës, Milanit dhe PSG-së pritet të jetë pjesë e prezantimit zyrtar të skuadrës më 21 gusht.

Pronari i Ravennës, Ignazio Cipriani, ka konfirmuar se braziliani nuk është afruar vetëm për arsye marketingu.

Sipas tij, Ronaldinho pritet të zbresë në fushë në të paktën një ndeshje të kampionatit italian.

Mundësia që ai të luajë në më shumë takime do të varet nga rrethanat dhe gjendja e tij.

Megjithatë, klubi ka bërë të ditur se ndeshja e tij e parë pritet të zhvillohet në shtëpi.

“Qëllimi i tij është të shënojë golin e fundit me fanellën e Ravennës”, është shprehur Cipriani.

Ronaldinho është parë të enjten duke zbritur nga avioni në Itali.

Ai pritet të takohet me pjesën tjetër të skuadrës gjatë ditës së premte.

Rikthimi i tij në futboll ka tërhequr vëmendjen e madhe të tifozëve dhe mediave.

Braziliani ka lënë pas një karrierë të jashtëzakonshme, duke fituar trofe të rëndësishëm në Evropë dhe me kombëtaren.

Tashmë, në moshën 46-vjeçare, ai është gati të dhurojë edhe një herë magjinë e tij në fushën e blertë.