Banorët e Bashkisë Dimal kanë ngritur shqetësimin për ndotjen e ajrit, duke denoncuar tymin dhe pluhurin që, sipas tyre, shkaktohet nga aktiviteti i guroreve në zonë. “Na mbyti tymi i guroreve”, shprehen banorët, të cilët kërkojnë ndërhyrje nga institucionet përgjegjëse për të verifikuar situatën dhe ndikimin që aktiviteti i guroreve ka në mjedis.
Sipas banorëve, tymi dhe pluhuri përhapen në zonat e banuara, duke krijuar shqetësim të vazhdueshëm, veçanërisht gjatë orëve kur aktiviteti i guroreve është më intensiv. Ata kërkojnë që të kontrollohen kushtet në të cilat ushtrohet aktiviteti dhe nëse respektohen standardet mjedisore për mbrojtjen e komunitetit dhe të ajrit.
Banorët i bëjnë apel Bashkisë Dimal dhe institucioneve të tjera kompetente që të marrin masa dhe të kryejnë kontrolle në terren. Ata kërkojnë zgjidhje konkrete për reduktimin e ndotjes dhe që aktivitetet industriale në zonë të zhvillohen duke respektuar kërkesat për mbrojtjen e mjedisit dhe cilësinë e jetës së komunitetit.
Discussion about this post