Një ngjarje e rëndë ka ndodhur mbrëmjen e kësaj të hëne në fshatin Krutje të Lushnjes, ku një person ka vrarë nënë e tij dhe ka plagosur rëndë të atin duke i goditur me sqepar.
Menjëherë pas krimit, autori Florian Dalladaku është larguar nga vendngjarja.
Sipas informacioneve të para, autori dyshohet se vuan nga probleme të shëndetit mendor.
Policia është vënë menjëherë në ndjekje të tij dhe ka rrethuar zonën.
Dyshohet se autori ka precedent të mëparshëm penal, pasi edhe më herët ka tentuar të vrasë një person me sende të forta në po të njëjtin fshat.
Sipas informacionit paraprak të Policisë, rreth orës 21:20, Florjan Dalladaku, 45 vjeç, dyshohet se për motive ende të paqarta ka goditur me një send metalik prerës, sqepar, nënën e tij, shtetasen me iniciale F. D., 80 vjeçe. Si pasojë e plagëve të marra, 80-vjeçarja ka humbur jetën.
Gjatë të njëjtës ngjarje, 45-vjeçari dyshohet se ka plagosur rëndë edhe babanë e tij, 77 vjeç, i cili shtë transportuar në spital dhe ndodhet nën kujdesin e mjekëve.
Mësohet se autori i dyshuar, i cili vuan nga probleme të shëndetit mendor, është larguar nga banesa pas ngjarjes. Shërbimet e Policisë kanë nisur kontrollet për lokalizimin dhe kapjen e tij.
Njoftimi
Lushnjë/Informacion paraprak
Rreth orës 21:20, në fshatin Zhymë, Lushnjë, shtetasi F. D., 45 vjeç, dyshohet se, në banesë, për motive ende të paqarta, ka goditur me një send metalik prerës (sqepar) nënën e tij, shtetasen F. D., 80 vjeçe, e cila, si pasojë e plagëve të marra, ka humbur jetën, si dhe ka plagosur rëndë babain e tij, shtetasin H. D., 77 vjeç, i cili ndodhet në spital, nën kujdesin e mjekëve.
Discussion about this post