Aktivistja Sidorela Vatnikaj, teksa mori fjalën në sheshin përpara protestuesve, përsëriti edhe njëherë se nuk do të largohen nga sheshi derisa kryeministri Edi Rama dhe kabineti i tij qeveritar të japin dorëheqjen.
Ajo u shpreh se në 36 vite, Shqipëria është qeverisur nga autokratë që kanë ndërruar karriget, ndërsa shtoi se vendi meriton një sistem demokratik dhe jo një autokratik e kriminal si ai i Edi Ramës.
“Në këto 92 ditë na kanë etiketuar, shpifur e përgojuar. E vërteta është se 92 ditë ne kemi zgjedhur Shqipërinë dhe njëri-tjetrin përballë propagandës qeveritare, hajdutëve që kemi në krye dhe të jemi këtu për një Shqipëri të re e të lirë. Në 92 ditë nuk ka ndodhur protestë vetëm në Tiranë.
Sot dua t’u dërgoj përshëndetje banorëve të Divjakës që janë sot në ditën e 30 të protestës kundër shkrirjes së bashkisë. Revolta e tyre është kundër një sistemi, që e ka grumbulluar pushtetin në një dorë. Për 36 vjet jemi qeverisur nga dy autokratë që vetëm kanë ndërruar karriget.
Sot kemi ndëtuar një ëndërr të re politike, ku ka vend për të gjithë. Shqipëria meriton të qeveriset nga një sistem demokratik, jo autokratik e kriminal. Ne nuk e lëshojmë sheshin pa ikur Edi Rama dhe kabineti i tij qeveritar. “, tha ajo.
Discussion about this post