Gjashtë persona të lënduar gjatë protestës së djeshme vijojnë të marrin kujdes shëndetësor në Spitalin Universitar të Traumës, ndërsa njëri prej tyre po i nënshtrohet ndërhyrjes kirurgjikale.
Sipas njoftimit të Ministrisë së Shëndetësisë në spital ndodhen tre kalimtarë dhe tre protestues.
Ministria bën me dije se 5 persona janë në gjendje të mirë shëndetësore, ndërsa njëri prej kalimtarëve ka nevojë për ndërhyrje kirurgjikale.
Dy nga protestuesit do të vijojnë qëndrimin në spital, ndërsa për të tretin po kryhet vlerësimi mjekësor për të përcaktuar nëse do të jetë i nevojshëm shtrimi.
Ndërkohë, gjatë natës, në Qendrën Spitalore Universitare “Nënë Tereza” është paraqitur edhe një protestues me shenja intoksikimi.
Pas trajtimit në urgjencë dhe marrjes së rekomandimeve mjekësore, ai është larguar nga spitali.
Discussion about this post