Kryetarja Eriselda Sefa i shërben “klientit” të Fatos Tushes Ish-kryebashkiaku Fatos Tushe u largua me pranga nga zyra, por korrupsioni në Bashkinë Lushnjë vazhdon. Pasuesja e tij, Eriselda Sefa favorizon të njëjtët biznesmenë që ndanin buxhetin me Tushen. Në këtë sagë veçojmë Aldi dhe Enea Llazin, dy djemtë e një kompanie ndërtimi me seli në fshatin Bishqethëm të Lushnjës. Indicien e morëm nga prokurimi i bashkisë Lushnjë “Sistemim, asfaltim i rrugëve në Njësitë Administrative Allkaj, Fiershegan, Ballagat, Krutje, Dushk, Karbunarë”. Një tender tipik para zgjedhjeve vendore të radhës. Dhe shpesh, asfalti i këtyre rrugëve zhvishet pa kaluar dimri i parë. Për këtë projekt Bashkia ka caktuar fondin limit 142.2 milionë lekë të reja pa TVSH. Komisioni i Eriselda Sefës ka skualifikuar ofertat më të ulëta, përveç fituesit. Prandaj tenderi është shënuar me “Flamur të kuq” nga Open Data Albania, që do të thotë se ka risk korrupsioni. Më 22 shtator 2026, kompania e Aldi Llazit u shpall fituese, megjithëse oferta e saj, 85.9 milionë lekë, nuk ishte më e ulëta.
Discussion about this post