Partitë Popullore Evropiane (PPE) kanë reaguar për protestat studentore në Shqipëri, duke kërkuar respektimin e së drejtës për tubime paqësore, hetimin e çdo rasti të pretenduar të përdorimit të tepruar të forcës dhe dëgjimin e kërkesave të të rinjve.
Në qëndrimin e tyre, PPE theksojnë se çdo pretendim për përdorim të paligjshëm dhe joproporcional të forcës duhet të hetohet menjëherë, në mënyrë të plotë dhe të pavarur. Sipas tyre, edhe forcat e rendit duhet të veprojnë në çdo rast në mënyrë proporcionale.
Partitë Popullore Evropiane nënvizojnë se e ardhmja e Shqipërisë duhet të ndërtohet mbi demokracinë, sundimin e ligjit, luftën kundër korrupsionit dhe një qeverisje që mban përgjegjësi përpara qytetarëve.
Reagimi i Partive Popullore Europiane:
E drejta për të protestuar në mënyrë paqësore duhet të respektohet plotësisht.
Çdo pretendim për përdorim të tepruar, të paligjshëm dhe joproporcional të forcës duhet të hetohet menjëherë, në mënyrë të plotë dhe të pavarur. Forcat e rendit duhet të veprojnë në çdo kohë në mënyrë proporcionale.
E ardhmja e Shqipërisë qëndron në një rrugë demokratike, të begatë dhe evropiane, me një qeveri që jep llogari, sundim të ligjit, luftë kundër korrupsionit dhe mundësi për një të ardhme më të mirë brenda vendit.
Çdo akt dhune i paligjshëm dhe çdo sulm, nga cilado palë, veçanërisht ndaj pronës dhe integritetit fizik të personave, nuk ka vend në një demokraci. Tensionet aktuale duhet të trajtohen përmes dialogut, uljes së përshkallëzimit të tyre dhe angazhimit demokratik.
Zëri i të rinjve duhet të dëgjohet dhe e drejta e tyre për të protestuar në mënyrë paqësore duhet të mbrohet.
gijotina.com/
Discussion about this post