Një moment tensioni ka pasur mes Belind Këlliçit dhe Tedi Blushit te Kryeministria. Këlliçi i revoltuar ka theksuar se po instalohet diktatura dhe kjo duhet ndaluar.
Nënkryetari i Partisë Demokratike është përplasur me policinë e shtetit në bulevardin “Dëshmorët e Kombit” ku ka akuzuar policinë për pengim të qytetarëve të ecin në rrugë apo t’i bashkohen protestës me arsyetime se ka perimetër sigurie
“Kjo që po ndodh është çmenduri. Një shtet policor. Janë lëvizje paniku .Ishte pedagogu Aleksandër Biberaj, po ecte në rrugë, nuk po e lejonin që të ecte për momentin, e kishin bllokuar. Nuk e lejonin, sepse ka urdhër për të mos kaluar.
Si mund të ndalohet pedagogu përse po ecën në rrugë. Banditë me unifortë që pengojnë qytetarët të ecin në rrugë Këtë nuk e ka bërë Ramiz Alia e bëjnë këta. Këtu po instalohet diktaturë , në mes të Europës në 2026. Të flet një bandit i maskuar pa shenja pa asnjë.
Duhet të reagojmë të gjithë, edhe ju gazetarët. Ju ftoj të gjithëve të reagoni sepse këtu po instalohet diktaturë”, u shpreh ai.
Discussion about this post