Avokat Spartak Ngjela ka komentuar sot gjatë një interviste televizive koalicionin e Berishës me LSI për zgjedhjet e 6 marsit. Sipas tij, Ilir Meta dhe Sali Berisha janë dy figura anti-amerikane, ndërsa për Bashën mendon se ka mbështetjen e madhe të Shteteve të Bashkuara të Amerikës. Ngjela ka parashikuar se PD-ja e Bashës nëse hyn në zgjedhjet e pjesshme lokale atëherë do të synojë të marrë fitoren në dy bashki, pra Durrësin dhe Shkodrën. Sakaq, ai kërkoi sa më parë shkarkimin e Metës.
“Nëse Gjykata Kushtetuese e shkarkon Ilir Metën ne shqiptarët fillojë një epokë të re në funksion të drejtësisë së re. Por kjo varet nëse ka prova të qarta Këshilli i Ministrave, nuk e di sa të forta janë provat që ka paraqitur”, tha Ngjela.
Sakaq, ai thekson se I qendron emërtimit për trekëndëshin e bermudës nga Basha për Ramën, Metën dhe Berishën, ndërsa rha se këta dy të fundit janë lëvize anti-amerikane. “Po e marrim të mirëqenë sikur të marrë pjesë në zgjedhje PD-ja e Bashës. Edhe trekëndëshi i Bermudës nuk është krijimi i tij por e ka gjetur nga politika amerikane. Rama për politikën amerikane nuk hyn në atë trekëndësh kurse ata dy të tjerët, Meta dhe Berisha janë lëvizje anti-amerikane. Pra Basha në këtë trekëndësh ka futur edhe Ramën. Koncepti i trekëndëshit të Bermundës nuk është përdorur për herë të parë nga Basha dhe njihet në konflikte politike”, u shpreh ai, ndërsa theksoi se Berisha duhet ta heq nga mendja idenë se po garon në zgjedhje si Parti Demokratike.
Discussion about this post