Dega e PD-së në Vorë ka finalizuar procesin e përzgjedhjes së kandidatit për Kryetar Bashkie. Pas konsultimeve dhe një procesi në bazë prej disa ditëve, duke mbajtur në konsideratë votimet konfirmuese të anëtarëve, mbrëmjen e sotme Dega e PD-së në këtë qytet ka miratuar propozimin për kandidatin për Kryetar Bashkie.
Burime në PD, thanë për mediat se Ymer Marku është emri i propozuar nga demokratët e Vorës. Propozimi i është dërguar për miratim Kryesisë qëndrore. Sipas afateve të vendosura nga Kryesia e PD, baza e partisë dhe Kryesitë e Degëve në 6 bashkitë, duhet të propozojnë kandidatët brenda ditës së sotme.
Kandidatët e propozuar nga baza do i nënshtrohen më pas shqyrtimit dhe miratimit nga Kryesia e PDSH, që pritet të mblidhet nesër. Kujtojmë se deri më tani PD ka nxjerr kandidatët e Durrësit, Shkodrës, Lushnjës dhe Rrogozhinës.
Discussion about this post