Dua Lipa mesazh për shqiptarët: Do të vij shumë shpejt në Tiranë (Video)

E përditshmja britanike The Guardian, ka publikuar disa ditë më parë një artikull promovues për turizmin në Shqipëri.
Nën titullin “Turistët në Mbretërinë e Bashkuar shkojnë në Shqipëri për ndjenjën ekzotike pa fluturime të gjata”, The Guardian ka treguar disa nga arsyet se pse britanikët duhet ta vizitojnë shtetin shqiptar për pushime.
Ndër të tjerash në artikull ishte përmendur dhe emri i dy divave shqiptare, Rita Orës dhe Dua Lipës, të cilat supozohet të mbajnë koncert në kryeqytet.
Dua Lipa e cila u gjend për pushime verore vitin e kaluar në Shqipëri, përmes një video-mesazhi dërguar shqiptarëve, i ka përshëndetur të gjithë bashkëkombësit e saj, duke konfirmuar se së shpejti do të jetë në shtetin amë për një koncert.
“Përshëndetje çuna, përshëndetje kryebashkiakut Erion. Shpresoj që po kaloni të gjithë mirë! Jam shumë e lumtur të jem pjesë e festës tuaj të madhe që do të zgjasë në të gjithë vitin në Tiranë, Kryeqyteti Evropian i Rinisë. Tirana mban një vend special në zemrën time, jo vetëm prej rrënjëve të mia shqiptare, por gjithashtu dhe për atmosferën pozitive dhe energjinë e mrekullueshme. Tirana është si një shtëpi për mua dhe dua që e gjithë bota ta dijë. Kjo është një mundësi e mirë për t’i treguar Evropës talentin dhe potencialin e rinisë shqiptare. Paçi fat me organizimin e mbi 1000 aktiviteteve në Tiranë dhe jam e sigurt që secila prej tyre do jetë një sukses. Mezi pres të jem aty me ju me miqtë e mi dhe të bashkohemi në festën tuaj por deri atëherë ju dërgoj shumë puthje”, thotë ndër të tjerash interpretuesja e hitit “New Rules”.
Tutje, ajo e mbyll video-mesazhin duke iu uruar fat organizimit të aktiviteteve në kuadër të projektit “Tirana, kryeqyteti Evropian i Rinisë”.