Drejtoria Rajonale e Policisë së Prishtinës, ka arrestuar sot dy persona të dyshuar për një rast të dhunimit. Siç bëhet e ditur, rasti është raportuar në polici më datë 20 janar 2021, ku dyshohet se një vajzë e lindur në vitin 2001, është përdhunuar nga katër persona. Policia gjithashtu ka identifikuar dy prej tyre dhe i ka arrestuar.
Që nga dita e raportimit, policia kishte filluar hetimin përfshirë këtu kontrolle në vende të ndryshme, si dhe ka marrë disa veprime operacionale, që rezultuan me identifikimin e personave të dyshuar me inicialet A. O, 23 vjeç, si dhe D. R, 21 vjeç.
Më tej theksohet se pas arrestimit me aktvendim të nxjerrë nga ana e prokurorit të shtetit janë dërguar në qendrën e mbajtjes prej 48 orësh. Ndërkohë që hetuesit policor po punojnë për sqarimin dhe zbardhjen e plotë të rrethanave të ngjarjes.
Discussion about this post