Reshje e dendura të borës që përfshinë mbrëmjen e djeshme Dibrën, kanë bllokuar sërish qarkullimin në rrugën e Arbrit. Bypassi i Murrizit në fshatin Klos dhe në Bastar-Murrizë nga krahu i Tiranës u bllokua nga policia.
Gjatë natës në qarkun e Dibrës ka pasur reshje shiu dhe bore, të shoqëruar edhe me erë të fortë. Në rrugën Kuben-Vasije, trashësia e bores ka shkuar nderi në 30 cm, ndërsa rruga është e hapur dhe qarkullimi kalohet pa zinxhirë, ndërsa në lartësinë mbi 115 metra rekomandohet përdorimi i zinxhirëve.
Në aksin Peshkopi-Qaf Draje, trashësia e borës arrin në 10 cm dhe kalimi i mjeteve bëhet pa zinxhirë. Në rrugën Ura e Çerenecit -Klenje, trashësia e bores arrin 30 cm dhe në lartësinë mbi 1100 m mbi nivelin e detit qarkullimi i mjeteve bëhet me zinxhirë. Ndërsa në aksin rrugor Qaf Bualli-Kraste, trashësia e borës shkon deri 20 cm.
Discussion about this post