Një ngjarje e rëndë ka ndodhur në Phoenix, ku një burrë ka hapur zjarr nga shtëpia e tij dhe si rrjedhojë janë plagosur pesë policë dhe një grua.
Incidenti ndodhi rreth orës 02:00 pranë zonës së 54th Avenue dhe Elwood Street, kur policia shkojë në vendngjarje pasi u informua për të shtëna me armë zjarri.
Ndërsa polici i parë iu afrua shtëpisë, i dyshuari hapi zjarr dhe e plagosi në disa pjesë të trupit, raporton nypost.
Polici raportohet se është aktualisht në një gjendje të rëndë, por pritet të shërohet, njoftoi shefi i policisë së Phoenix, Jeri Williams.
Në një moment gjatë përplasjes, burri i armatosur nxori jashtë shtëpisë një foshnje në karrocë.
“Ndërsa policët shkuan për ta sjellë foshnjën, i dyshuari vazhdoi të qëllonte duke u shkaktuar plagë katër policëve të tjerë”, njoftoi Williams.
I dyshuari më pas u mbyll brenda shtëpisë. Autoritetet pohuan se përleshja vazhdoi deri në ora 06:00, sipas kohës lokale amerikane.
Të pesë oficerët dhe gruaja që u plagos rëndë u dërguan të gjithë me urgjencë në spital. Foshnja nuk ishte lënduar.
Nuk ishte e qartë se si u plagos gruaja. Policia është ende duke u përpjekur të përcaktojë nëse i dyshuari, gruaja dhe foshnja kanë lidhje mes tyre dhe çfarë çoi në të shtënat fillestare.
5 Phoenix police officers shot overnight:
-2 @ St Joe’s
-2 @ Banner University pic.twitter.com/VofQV2p82H— Gina Maravilla (@GinaMaravillaTV) February 11, 2022
Discussion about this post