Në Komisionin Hetimor për Inceneratorët ka nisur seanca e radhës për marrjen në pyetje të dëshmitarëve, në lidhje me procedurat e marra për ngritjen e Inceneratorit të Elbasanit.
Janë 7 dëshmitarë të cilët në vitin 2014 ishin anëtarë të Komisionit për dhënien e koncesionit për inceneratorin e Elbasanit. Ky incenerator është sekuestruar nga SPAK si vend krimi, dhe kjo pasuri po menaxhohet nga përfaqësues të shtetit.
Që në nisje të seancës, deputetët i kanë shtruar pyetje dy përfaqësuesve të agjencisë shtetërore të menaxhimit të pasurive të sekuestruara, Faraudin Arapo – Administrator i shoqërisë “Intergrated Technology Servis” shpk dhe Arjan Baci – Administrator i shoq. “Albtek Energy” shpk.
Të dy këta përfaqësues kanë mohuar t’i njohin Klodian Zoton dhe Stela Gugallan, ndonëse të dy administrojnë pasuritë e tyre, por thanë se i njohin vetëm nga gjykata.
Diskutimi:
Jorida Tabaku: Arjan Baci është administrator i shoqërisë “Albtek Energy” shpk?
Arjan Baci: Po jam emëruar në vitin 2021. Nga ajo kohë deri më tani menaxhojmë pasuritë
Jorida Tabaku: Për sqarim të dy menaxhojnë dy kompanitë që zotëronin Klodian Zoton e Stela Gugallën. A i njihni personalisht?
Faraudin Arapi: Jo, për herë të parë i kam dëgjuar pas vendimit të gjykatës.
Arjan Baci: Jo, nuk i njoh!
Jorida Tabaku: A është në funksion inceneratori?
Faraudin Arapi: Në momentin që është marrë në dorëzim, inceneratori ka qenë në punë, ka kryer incenerim e djegie të mbetjeve, energjia e prodhuar e fakton këtë gjë. Ky incenerator merr energji dhe shumicën e kohës eksporton. Diferenca është diku tek 6 milion e 700 mijë.
Jorida Tabaku: Kompania nuk është e licencuar nga ERE, si administrohet për energjinë?
Faraudin Arapi: Nuk di ta them, ERE nuk ka rënë dakord për çmimin, pasi pretendon se këto lloj impiantesh, kur prodhimi i energjisë është më pak se 2 mvat…prandaj ka ngelur kontrata e shitjes së energjisë elektrike pezul. Vendimi është komisionuar dhe i ka dhënë të drejtë shoqërisë Albtech dhe është kërkuar që të vendoset çmimi.
Discussion about this post