Kryeministri Edi Rama nuk i ka shpëtuar as pyetjes si do të jetë fati i Ilir Metës, nëse shkarkohet nga Gjykata Kushtetuese dhe nëse do të shpallet non-grata si Berisha. Në konferencën me gazetarët në SHBA, Rama devijoi pyetjen duke thënë se është radha e Gjykatës Kushtetuese të vendosë.
“Nuk janë telepatira, por analiza që nuk janë të vështira për t’u bërë kur ndjek me kujdes dinamiken. Duke qenë se Ilir Meta është në gjykim me gjykatën kushtetuese, s’do të doja të hyja në këtë grackë që ma ngrite me buzëqeshjeje. Është koha që të flasë gjykata kushtetuese që të vendoset në vend nderin e nëmëkëmbur të Kushtetutës”, tha Rama.
Rama gjithashtu tha se në muajt në vijim do të ketë të reja, në drejtim të mbështetjes amerikane për “Ballkanin e Hapur”, duke aluduar kështu për investime amerikane në vendet e rajonit.
Discussion about this post