Një ditë pasi Gjykata Kushtetuese vendosi të shfuqizojë vendimin e Kuvendit të Shqipërisë për të shkarkuar Presidentin Ilir Meta, është zbardhur vendimi i anëtarëve që votuan në këtë proces.
Mësohet se, 6 prej anëtarëve kanë votuar kundër shkarkimit të Metës, dhe vetëm një pro. Anëtarët e Kushtetueses u shprehën në vendimin e tyre se shkeljet e presidentit nuk ishin aq të renda, sa të legjitimonin shkarkimin e tij nga Kuvendi.
Në këtë mënyrë, me shumicë dërrmuese votash, Gjykata rrëzoi vendimin e Kuvendit të kaluar, që shkarkoi Metën, dhe duke e lënë atë në detyrë deri në fund të mandatit. Mandati i Metës, skadon më 24 korrik të këtij viti, dhe pas kësaj, presidenti pritet që ti rikthehet jetës politike aktive, duke u shfaqur si alternativë në zgjedhje.
Mbetet për tu parë nëse Meta do të kthehet në krye të LSI-së, apo do të tentojë të krijojë një pol të ri opozitar, së bashku me ish-kryeministrin Berisha të përjashtuar nga PD.
Discussion about this post