Kryeministri i Kosovës Albin Kurti, u akuzua se në një vendim të qeveris, ia ka rritur rrogën vetes. Në një intervistë për mediat, Kurti tha se sa i përket Ligjit të pagave po qarkullojnë drafte, propozime të ndryshme por ato nuk janë propozime finale. Ai gjithashtu mohoi zërat se ia kishte rritur rrogën vetes, ndërsa u shpreh se e kishte përgjysmuar atë.
“Padyshim se pa një lloj ndryshueshmërie në mes pagës minimale, pagës mesatare dhe pagave të larta nuk mund të themi se kemi drejtësi shoqërore në republikën tonë. Unë nuk e kam rritur rrogën time por e kam përgjysmuar atë po them, se nuk bëhet fjalë për vlerën e koeficentit të mundshëm. Sa i përket Ligjit të pagave po qarkullojnë drafte, propozime të ndryshme por ato nuk janë propozime finale. Ka shumë interpretime, shumë lajme në media. por e di se nuk ka draft final. Kjo do të bëhet së shpejti publike kur të merren vendime” – tha Kurti.
Discussion about this post