Një aksident i trefishtë ka ndodhur sot pak pas mesdite në Elbasan. Sipas njoftimit të policisë 3 makina janë përfshirë në aksident në aksin rrugor Elbasan-Peqin. Si pasojë e këtij aksidenti kanë mbetur të plagosur dy gra, që ndodhen jashtë rrezikut për jetën.
Burime policore bëjnë me dije se, rreth orës 12:30, në aksin rrugor Elbasan-Peqin, janë përfshirë në aksident automjeti tip “Volvo” me shofer R. Q., me automjetin tip “Benz” me shofere V. S. dhe automjetin tip “Toyota” me shofer A. Zh.
Si pasojë e aksidentit janë dëmtuar shoferja V. S., drejtuesja e mjetit tip “Benz” dhe N. Zh., pasagjere në automjetin tip “Toyota“, të cilat ndodhet në Spitalin Rajonal Elbasan, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
Discussion about this post