Autoriteti Rrugor Shqiptar ka bërë dhe një monitorim të situatës në të gjithë akset e rrugës për shkak të motit të keq që përfshiu vendin tonë një ditë më parë.
Përmes një postimi në Facebook, bëhet me dije se qarkullimi në të gjithë vendin bëhet normalisht, ku vetëm në disa akse duhet përdorimi i zinxhirëve.
“Gjatë natës dhe në orët e para të mëngjesit në zonat malore ka pasur reshje dëbore me intensitet të ulët. Kontraktorët kanë qenë në terren për pastrimin e rrugëve nga bora dhe kanë bërë shpërndarjen e kripës për të evituar ngricat. Qarkullimi kryhet pa probleme në të gjitha akset nacionale në Qafë Mollë-Bizë rekomandohet përdorimi i zinxhirëve”, thuhet në njoftim.
Ndër të tjera, ARRSH i bën thirrje drejtuesve të mjeteve të respektojnë sinjalistikën rrugore, të reduktojnë shpejtësinë dhe të pajisen me zinxhirë dhe goma dimërore.
Discussion about this post