Operacioni blic në Vlorë, ky është pronari i shtëpisë ku u gjetën 330 bimë kanabis (EMRI)

Anest Rrapaj është pronari i shtëpisë ku operacioni policor zbuloi qindra bimë kanabisi të mbjella.

Uniformat blu zbuluan “shtëpinë e barit” nga vjedhja e energjisë elektrike në lagjen “Kushtrimi” në Vlorë, që përdorej për rritjen e drogës.

Deri më tani në shtëpi janë gjetur 330 bimë narkotike të kultivuara në kova plastike, 88 llamba, 18 freskuese, 5 aspiratorë dhe sende të tjera të paligjshme

Anest Rrapaj 40 vjeç, banues në lagjen “Kushtrimi” do të përballet me akuzën për veprat penale “Prodhimi dhe shitja e narkotikëve”, “Kultivimi i bimëve narkotike” dhe “Vjedhja e energjisë elektrike ose e impulseve telefonike”.

Burime për gijotina.com bëjnë me dije se për kultivimin e bimëve narkotike në shtëpinë e barit në Vlorë përdorej energji elektrike. Operacioni policor vijoi, pasi efektivët kanë informacione edhe për të tjera shtëpi bari, një fenomen ky që tashmë është kthyer në të zakonshëm në vend.

Javëve të fundit policia ka zhvilluar një aksion në disa qytete ndërsa kanë zbuluar disa magazinapër mbjellje kanabisi.