Spanja do të nisë ditën e sotme drejt Ukrainës dërgesën e parë të armëve sulmuese drejt Ukrainës, e cila po përballet me pushtuesin rus prej tetë ditësh.
Burime nga “CNN” raportojnë se Spanja do të dërgojë sot 1370 granata hedhëse antitank në Ukrainë, si dhe mitralozë e 700 mijë fishekë e municione të tjera luftarake.
“E gjithë kjo do të shkojë me avionë të forcave ajrore spanjolle në një vendndodhje në Poloni, afër kufirit, ku do ta marrin zyrtarët ukrainas”, ka bërë me dije ministrja spanjolle e Mbrojtjes, Margarita Robles.
Më tej, ministrja është shprehur se armët janë shumë të rëndësishme dhe mund të përdoren edhe nga njerëz që nuk kanë shumë përvojë në përdorimin e armëve.
Discussion about this post