22-vjeçarja godet me thikë policin në Kamëz

Një 22-vjeçare ka rënë në prangat e policisë pasi akuzohet se ka kundërshtuar dhe ka goditur me mjet prerës një punonjës policie.

Sipas njoftim zyrtar, në pranga ka rënë Sh. Gj., 22 vjeçe, banuese në Paskuqan, pasi kur policia ka shkuar në banesën e saj për t’i komunikuar të atit që duhej të paraqitej në Komisariatin e Policisë Nr. 4, vajza ka ndërhyrë duke kundërshtuar dhe goditur me mjet prerës punonjësin e Policisë.

Polici në fjalë ndodhet në spital dhe jashtë rrezikut për jetën. Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.